Профориентационная встреча с Надеждой Петровной Амбросьевой, старшим преподавателем кафедры анатомии и оперативной хирургии Амурской государственной медицинской академии Минздрава России.
09.02.2026
Возложение цветов к мемориальной стене героям-якутянам,павшим в боях на озере Ильмень
12.02.2026Төрөөбүт тыл — омук кута. Оскуолаҕа сырдатар аахсыйа буолан ааста.
Бу нэдиэлэҕэ биһиги оскуолабытыгар Төрөөбүт тыл уонна сурук-бичик күнүгэр анаммыт «Төрөөбүт тыл — кэскилбит биһигэ» диэн сырдытар аахсыйа буолан ааста. Тэрээһиҥҥэ 6-11 кылаас үөрэнээччилэрэ бары көхтөөхтүк кыттыстылар.
Аахсыйа сүрүн сыала-соруга — үүнэр көлүөнэҕэ ийэ тылбыт суолтатын тиэрдии, сахалыы сурук-бичик устуоруйатын билиһиннэрии уонна төрүт култуурабытыгар ытыктабылы иитии.
Тэрээһини оскуолабыт студсоветын актыбыыстара уонна нуучча, саха тылын учууталлара бииргэ көҕүлээн ыыттылар. Учууталлар төрөөбүт тылы харыстыырга, кини байылыат буоларыгар улахан болҕомтону уурбуттара оҕолорго ураты холобур буолла.
Аахсыйа саамай интэриэһинэй уонна айар түгэнинэн «Аал Луук Мас сэбирдэхтэрэ» диэн маастар-кылаас буолла. Үөрэнээччилэр саха бастакы учуонай-лингвиһэ Сэмэн Андреевич Новгородов оҥорбут алпаабытын билсэн, ол бичигинэн бэйэлэрин баҕа санааларын, кэс тылларын суруйдулар.
Оҕолор суруйбут кэс тыллара — «Тылы харыстааҥ», «Саха буолан сандаарыҥ», «Төрөөбүт тыл — дьол аартыга» — барыбытыгар дириҥ санааны үөскэтэр.
Бу курдук тэрээһиннэр оҕо бэйэтин омугун устуоруйатын билгэлииригэр, төрөөбүт тылын таптыырыгар уонна сыаналыырыгар улахан тирэх буолаллар. Төрөөбүт тылбыт чэчирии сырыттын!
